Еліміз бойынша Алматы облысы етті тұтыну жағынан алда тұр: орта есеппен жан басына шаққанда 97,27 кг ет және ет өнімдері (жылына минус 0,9%). Одан кейінгі орындарда Павлодар (94,82 келі) және Атырау (94,37 келі) облыстары тұр.
Energyprom.kz зерттеуінше, оңтүстік өңірдің тұрғындары ең аз ет және ет өнімдерін тұтынады екен. Мысалы, 2021 жылы Шымкентте жан басына шаққандағы өнім небәрі 52,71 кг болды. Бұл Қазақстан бойынша орташа көрсеткіштен 36%-ға аз. Түркістан облысында тұтыну орташа жан басына шаққанда 61,28 кг, Қызылорда облысында 65,08 кг құрады.
Сала бойынша тұтынудың ең көп өсімі Жамбыл облысында (10,2%-ға, жан басына шаққанда 84,09 кг-ға дейін), ең көп төмендеуі Ақмола облысында (8,1%-ға, 92,54 кг-ға дейін) байқалды.
Тұтынылған 82,3 келі ет өнімдерінің 43,89 келісі тікелей ет пен құс етіне тиесілі. Оның ішінде сиыр еті – 24,26 кг, жылқы еті – 5,89 кг, қой еті – 5,56 кг, тауық – 4,69 кг, шошқа еті – 3,5 кг болды. 2020 жылмен салыстырғанда сиыр етін (3,6%-ға), шошқа етін (1%-ға) және тауық етін (0,4%-ға) тұтыну өсті. Бұл ретте қой етін (10,6%-ға) және жылқы етін (3,6%-ға) тұтыну төмендеді.
Қалалық жерлерде ауылдық жерлермен салыстырғанда сиыр етін (23,84 кг-ға қарсы 24,56 кг), шошқа етін (2,95 кг-ға қарсы 3,88 кг) және тауықтарды (3,51 кг-ға қарсы 5,52 кг) көбірек тұтынады. Ауылдық жер тұрғындары қой етін (3,29 кг-ға қарсы 8,77 кг) және жылқы етін (5,83 кг-ға қарсы 5,97 кг) көбірек тұтынады.
Биыл қаңтар-ақпан айларында ет және тағамдық жанама өнімдер өндірісі 56 мың тонна болды. Бұл былтырғы сәйкес кезеңмен салыстырғанда 3,7%-ға артық. Оның ішінде ірі қара малдың, шошқаның, қойдың, ешкінің немесе жылқының жаңа піскен немесе салқындатылған етін тікелей өндіру 11,4 мың тоннаны құрап, бір жыл ішінде 11,7%-ға өсті. Жаңа піскен немесе салқындатылған құс етін өндіру бір жылда 6,4%-ға өсіп, 2022 жылдың қаңтар-ақпан айларында 18 мың тонна болды.
Өндіріс көлемінің өсуіне қарамастан 2022 жылдың ақпан айында ет пен құс етінің бағасы былтырғы сәйкес кезеңмен салыстырғанда 11,1%-ға өсті. Құс еті бәрінен де қымбаттады – бірден 19,2%-ға. Қозы еті – 14,9%-ға, жылқы еті – 11,7%-ға, шошқа еті – 10,3%-ға, сиыр еті – 7,7%-ға қымбаттады. Тікелей ақпан айында еттің негізгі түрлерінің қымбаттауы құс етін қоспағанда, 0,5%-дан аспады – мұнда бағаның өсуі бірден 1,2%-ға жетті.
Қазақстандықтардың сүйікті еті – сиыр орташа бөлшек сауда бағасы 2022 жылдың ақпан айында келісіне 2082 теңге болды. Жылқы етінің келісі 2344 теңге, қой еті 2107 теңге, шошқа еті 1685 теңге, тауық еті 944 теңгеден сатылды.
