Бұл мәселені ҚР парламенті мәжілісінің депутаты Зарина Қамасова көтерді. Ол Денсаулық сақтау министрлігі пациенттерді үздіксіз дәрі-дәрмекпен қамтамасыз етуді қалай жоспарлайтынын сұрады.
Геосаяси жағдай өте қиын, бірақ бақытымызға орай, дәрі-дәрмектің 94%-ы дерлік сатып алынған. Бүгінгі таңда «СК-Фармация» қоймаларына дәрі-дәрмектің жалпы көлемінің 50 пайызы жеткізілді, маусым айының соңына дейін науқастарды емдеуге арналған дәрі-дәрмек бар. Украинаға келетін болсақ: жалпы көлемнің 1,6%-ы, яғни дәрі-дәрмектің 25 түрі Украинадан жеткізіледі. Жыл басында Украинаның жеткізушілері осы көлемнің 40%-дан 70%-ға дейін дәрі-дәрмекпен қамтамасыз етті. Бүгінде зауыттар жабылды, енді біржақты тәртіпте келісім-шарттарды бұзып, қалған көлемдер бойынша тендер өткізіп жатырмыз. Шілденің 1-іне дейін біз конкурстық шараларды аяқтап, дәрі-дәрмекпен қамтамасыз етеміз.ҚР Денсаулық сақтау министрі Ажар Ғиният
Денсаулық сақтау министрлігінің басшысы сондай-ақ ведомство қазір дәрі-дәрмектің шекті бағасын индексациялауды қарастырып жатқанын айтты.
«СК-Фармация» қоймаларына келетін болсақ, министрдің айтуынша, логистика жүйелі түрде пысықталған: Алматы, Нұр-Сұлтан, Шымкент және Ақтөбе қоймаларынан дәрі-дәрмек бір күн ішінде өңірлерге жеткізіледі.