Сонымен қатар, Алматыдағы №187 мектептің 11-сынып оқушысы Михаил Шут президентке «Алпамыс батыр» жырынан үзінді оқыды.
Еске сала кетейік, бүгін мемлекет басшысы Ботаникалық бақта өтіп жатқан «Алматы БалаFEST» мерекелік балалар фестиваліне қатысты. Шара президент жариялаған «Балалар жылы» аясында ұйымдастырылды.
Сурет: akorda.kz
Ботаникалық баққа бір ай бойы байқауға қатысқан әртүрлі жастағы балалар жиналды. Қала мектептерінің, гимназиялардың, интернаттардың 5 пен 17 жас аралығындағы 300 мыңнан астам оқушысы қабілетін, шеберлігін және дарынын көрсете отырып, спорт, шығармашылық және интеллектуалдық сайыстарға қатысқан.
Сонымен қатар, Қасым-Жомарт Тоқаев синхронды шахматтың ашық сессиясында алғашқы жүрісін жасап берді.
Сурет: akorda.kz