Аргентина полициясы вице-президент Кристина Фернандес де Киршнерге тапанша сілтеген ер адамды ұстады, деп хабарлайды «Известия».
Агрессор 35 жастағы бразилиялық Фернандо Андрес Сабаг Монтиэль болды. Ол вице-президентке жақындап, тапаншаны басқанымен, оқ атылған жоқ.
Полицейлер ер адамды тез арада ұстап алды, қару оқиға орнынан табылды.
Сәтсіз жасалған қастандық туралы жергілікті саясаткерлер пікір білдірді. Чако губернаторы Хорхе Капитанич өз кезегінде Аргентина билігін вице-президентті өлтіру әрекетіне дереу жауап беруге шақырды.