Жұмыс күндері мемлекеттік қызметтерді алуға уақыт болмайтындықтан, бізге халыққа қызмет көрсету орталықтары мен арнайы халыққа қызмет көрсету орталықтарының жұмыс уақытын көбейтуді көптен сұрап жүр. Біріншіден, бүгін жұмыс күндері сағат 20:00-ге дейін, сенбі күні сағат 13:00-ге дейін жұмыс істейтін кезекші ХҚКО жұмысын қайта бастадық, ал осы аптадан бастап кезекші Арнайы ХҚО жұмысын қайта бастады."Азаматтарға арналған үкімет" МК қоғаммен байланыс жөніндегі басқарушы директоры Нариман Дүйсекеев
Енді қазақстандықтар сенбі күні жүргізуші куәлігін алу, көлік құралдарын тіркеу, сонымен қатар мемлекеттік нөмір беру қызметтеріне жүгіне алады.
Өткен аптада 12 798 шетелдік ЖСН алуға өтініш білдірген. Осы аптада тұтынушылар саны 10 354 болды.
Сонымен бірге Мемлекеттік корпорация қызметкерлері халыққа қызмет көрсету орталықтарындағы бейнекамералардың жазбаларын қарап, халыққа қызмет көрсету орталықтарында тұтынушылардың шоғырланбағанын анықтады.
