Шаған автокөлік шекарасының Ресей жағында 40-қа жуық көлік қараусыз қалған. Бүгінде барлығы дерлік талан-таражға түскен.
"Надежда" басылымының жазуынша, көліктердің терезелері сынған, дөңгелектері алынған.
Куәгерлердің айтуынша, Ресей Федерациясынан Самара бағытында 10-ға жуық қараусыз қалған көліктер барған. Талан-тараж фактілері тіркелмеген және тіркелмейді. Себебі арыз-шағым жоқ, автокөліктерді еркін түрде қосалқы бөлшектерге бөліп, әкетіп жатыр.
21 қыркүйекте Ресей президенті Владимир Путин ресейліктерге үндеу жасап, Ресейде ішінара мобилизация жариялады.
Ресейде ішінара мобилизация жарияланғаннан кейін Батыс Қазақстан облысының шекарасын 50 928 ресейлік кесіп өтті. Облыс Ресей Федерациясының бес облысымен – Самара, Саратов, Орынбор, Волгоград және Астраханьмен шектеседі.