Бұл дақылдың өңірдегі егістік алқабы жыл сайын артып келеді. Мәселен, өткен жылы облыс бойынша 24,5 мың гектарға пияз отырғызылса, биыл 25,1 мың гектарға егілген. Оның ішінде Шу ауданында – 13,1 мың гектарды, Жамбылда - 5,6 мың гектарды, Қордайда - 3,7 мың гектар және Байзақта – 1,8 мың гектарды құрайды.
Айта кету керек, еліміздегі пияздың 75 пайызы Жамбыл облысында өсіріледі. Қазірге дейін аймақтағы шаруалар 1,1 миллион тонна өнім жинап, әр гектардан алынған орташа өнім 458,8 ц/га айналуда.
Сурет: Жамбыл облысы әкімінің баспасөз қызметі
Өңірдегі пияз алқабының көлемі соңғы 5 жылда 10 мың гектарға ұлғайған. 1 гектардан алынатын өнім көлемі де артуда. Мәселен, 2019 жылы орташа өнімділік 273,4 ц/га құраса, 2020 жылы 306,7 ц/га жеткен болатын. Биылғы түсім де көңілден шығады,-дейді ауыл шаруашылығы басқармасы басшысының орынбасары Шәкір Момынқұлов.
Сурет: Жамбыл облысы әкімінің баспасөз қызметі
Ағымдағы жылы аймақта егілген пияз дақылының 20 мың гектарына су үнемдеу қондырғылары енгізілген. Бұл өткен жылмен салыстырғанда 3 мың гектарға артық. Сондай жаңа технолоияның игілігін көріп отырғандардың бірі Жамбыл ауданы, Айша бибі ауылдық округіндегі «Ақкөл» шаруа қожалығы.
Өңірдегі пияз алқабының көлемі соңғы 5 жылда 10 мың гектарға ұлғайған. 1 гектардан алынатын өнім көлемі де артуда. Мәселен, 2019 жылы орташа өнімділік 273,4 ц/га құраса, 2020 жылы 306,7 ц/га жеткен болатын. Биылғы түсім де көңілден шығады,-дейді ауыл шаруашылығы басқармасы басшысының орынбасары Шәкір Момынқұлов.
Сурет: Жамбыл облысы әкімінің баспасөз қызметі
Жиналған өнім облыс тұрғындарының қажеттілігін толығымен қамтамасыз етіп қана қоймай, еліміздің бірқатар облыстарына да экспорталуда. Сондай-ақ, бір бөлігі сақтау қоймаларына жиналуда.