Прокуратураның талдауы көрсеткендей, облыстың жекелеген жер қойнауын пайдаланушылары әлеуметтік бағдарламаларды іске асыруға бағытталған қаражатты бюджетке төлемеу арқылы келісімшарттық міндеттемелерін орындамаған.
Алдын ала деректер бойынша орындалмаған міндеттемелердің жалпы сомасы 483 млн теңге болды. Прокуратураның қадағалау актісі бойынша көрсетілген қаражат бюджетке өндіріліп алынды, келісімшарттық міндеттемелерді орындамаудың басқа да фактілерін анықтау бойынша жұмыс жалғасуда. Маңғыстау облысы прокуратурасының баспасөз қызметі
Ведомство өкілдері "Жер қойнауы және жер қойнауын пайдалану туралы" ҚР Кодексінің 5-бабына сәйкес, мемлекеттік жер қойнауы қорын ұтымды басқару мемлекеттің және қоғамның әл-ауқатының экономикалық өсуі мақсатында жер қойнауын пайдалану құқығын беру арқылы қамтамасыз етілетінін атап өтті.
Жер қойнауын пайдалану құқығы лицензиясы бар болған кезде мемлекетпен келісімшарттар жасасу арқылы беріледі. Бұл ретте белгіленген салық және өзге де төлемдерден басқа, жер қойнауын пайдаланушы өңірдің әлеуметтік дамуына нысаналы ақшалай қаражат бөлуге міндетті.Маңғыстау облысы прокуратурасының баспасөз қызметі
Басқаша айтқанда, жер қойнауын пайдаланушылар пайдалы қазбаларды өндіру және пайдалану арқылы жергілікті бюджетке қаражат аударуға міндетті, кейіннен бұл қаражатты әкімдік мектептер, ауруханалар, балабақшалар және азаматтар үшін басқа да пайдалы нысандарды салу үшін қолданады.