Бұл таймерлерде ақаулар бар, жарығы да азайған. Кері санақ таймерлерінің Алматыда енгізіліп жатқан еуропалық (бейімделу) менеджмент жүйесінде жұмыс істеуге техникалық мүмкіндігі жоқ.
"2022 жылға 180-нін ауыстыруға қаражат бөлінді. Оларды орнату 2022 жылдың соңына дейін аяқталады".Алматы қаласы Полиция департаменті Әкімшілік полиция басқармасы бастығының орынбасары Дәулет Сейітқұлов
2021 жылдың басынан бері Алматыда 482 бағдаршам жұмыс істейді. Оның ішінде 399-ында "Жол пайдаланушыларды ақпараттандыру" жүйесінің 3127 кері санақ таймері орнатылған. Оның ішінде жаяу жүргіншілер үшін 1665 таймер және көлік жүргізушілер үшін 1462 таймер орнатылған.
Қарашаның 25-і күні Алматы қаласының тұрғыны Елжан Түсеев оңтүстік астанада кейінгі уақытта 10 балдық кептеліс байқалғанына назар аударды. Оның екі себебі бар екенін айтты: "Сергек" камералары және бағдаршамдағы таймерлер.
26 қарашада Алматыда 10 айда "Сергектің" қанша заң бұзушылық фактісі анықталғаны белгілі болды.
