"Хабар-24-тің" хабарлауынша, Көкшетау, Қосшы, Степногорск қалаларының 54 көшесін қайта атау мәселесі Республикалық ономастика комиссиясына жолданды. Сондай-ақ 32 білім ошағы мен 1 спорт мектебіне ұлы тұлғалардың есімі беріледі.
Біз елдімекендердің қайта атау барысында негізінен ғылыми деректерге сүйенеміз. Омбы мұрағатынан табылған карталар негізінде жинақталған Ақмола облысының "Топоника" кітабында көптеген дерек келтірілген. Яғни біз өз жұмысымызда осы жинақты басшылыққа аламыз. Елдімекенді қайта атау барысында, ең алдымен, халық арасында түсініктеме жұмыстары жүргізіледі. Бұқаралық ақпарат құралдары және әлеуметтік желілерде ежелгі атау туралы ақпараттар толық жарияланады. Ақмола облыстық ішкі саясат басқармасының бөлім басшысы Айгүл Талпақова
