10 қаңтарда Шымкент пен Түркістан облысында күрт суыды. Синоптиктердің хабарлауынша, солтүстік полюстен арктикалық ауаның салқын ағыны ықпалынан ауа райы нашарлап кеткен. Тараз бен Жамбыл облысында да осындай жағдай болады деп болжанды.
Шымкент қолайсыз ауа райына дайын емес
12-13 қаңтарда таулы аймақтарда 31 градусқа дейін аяз болады. Облыстың солтүстігінде ауа температурасы 23-28 градусқа дейін төмендейді. Қолайсыз ауа райында шымкенттіктер негізінен қардан тазартылмаған жолдар мен тротуарларға шағымданады. Тұрғындардың айтуынша, жаяу жүргіншіге де, жүргізушілерге де қиын.
"30 см-дей қар жауды. Қарды мүлдем тазаламайды. Көрдіңіз бе, жаяу жүргіншілердің өзі тротуарларды таптап жатыр. Мен жұмысқа әдетте 40 минутта жетемін, бүгін 2 сағат жүрдім", - дейді Шымкент қаласының тұрғыны Айсұлу Дайрабаева.
Сурет: Zakon.kz
"Таңертең подъезден шықсам, қар тізеге дейін жетіп тұр. Мұндайда қаланың арғы басына жету мүлдем мүмкін емес. Автобустар әрең жүреді, оның үстіне адам көп. Өз басым көшеде қар күреп жатқан техника көрмедім. Тіпті басты көшелердің де қарын күремейді. ", – дейді Шымкент қаласының тұрғыны Мира Алтынбаева.
Ауа райының қолайсыздығынан және жолдың тазаланбауына байланысты Шымкенттің басты көшелерінде де көліктер кептеліп қалады. Қамқор тұрғындар бір-біріне өз бетінше көмектеседі. Кейбіреулер көліктерді қар үйінділерінен алып шығады, ал басқалары көшеде тоқтап қалған көлікті итеруге көмектеседі. Шымкенттіктер көшелерден арнайы техника көрмесе де, қаладағы қар тез арада күреледі деп сенеді. Ауа райы болжамына сәйкес, аяз жұмадан сенбіге қараған түні басылады.
Таразда коммуналдық қызметтер тәулік бойы жұмыс істеуге көшті
Таразда 10 қаңтар күні таңертең қар құрсауы болды. Қар күрейтін машиналар түнде жолға шықты. Қарды күреуге арнайы техника мен адамдар шықты. Жолдар мен жаяу жүргіншілер жолы тазартылып, құм мен тұз себілді.
Сурет: Zakon.kz
Қаланың 76 көшесінде жұмыс жүргізіліп жатыр. Ол үшін 47 техника жұмылдырылды. Қазір қалада 295 тонна инертті материал (тұз) бар. Сонымен қатар қосымша 7000 текше метр құм мен 1000 тонна тұз алынды.
"Қар тазалау бригадалары тәулік бойы вахталық кесте бойынша жұмыс істейді", – дейді Тараз қаласы әкімінің кеңесшісі Дәулет Төленді.
Сурет: Zakon.kz
Жамбыл облысының Полиция департаменті облыс тұрғындарын қала маңындағы және елді мекен ішілік жолдарға шықпауды өтінді. Ауа райы болжамы бойынша, қар мен боран кем дегенде тағы бір күнге созылады.
Людмила Мельник, Карина Адильбекова
