"Өте маңызды, соңына дейін тыңдауыңызды сұраймын" деп жазды ол.
"Түрлі әлеуметтік желіде "Димаш Құдайберген" болып ашылған парақшалар халыққа да, маған да зиянын тигізіп жатыр. Мен ешқашан интернет арқылы ақша сұрайтын ойындар өткізбегенмін. Тыңдарманым біле жатар, тікелей эфирге 3-4 рет қана шыққанмын. Онда да ол тікелей эфир шығармашылықтағы жаңалықтарымды бөлісу үшін ұйымдастырылған. Тура сол эфирден скриншот жасап алып, бәзбіреулер өздерінің алаяқтық әрекеттеріне пайдаланып жатыр. Сақ болыңыздар. Алданып қалмаңыздар. Жалпы ешкімге интернет арқылы ақша жібермеңіздер", - деді Димаш Құдайберген Instagram-дағы парақшасындағы видеоүндеуде.
Әншінің бұл ескертуіне жанкүйерлері құлақ асып, оны қолдап жатыр.
Бұған дейін Димаш, Раушан, Мансұр Құдайбергендер бірлесіп ән жазып жатқанын хабарлаған едік.