Қазақстан үкіметінің басшысы атап өткендей, логистикалық компанияларға қолайлы жағдай жасау мақсатында Қазақстанда электронды көлік құжаттарына көшу жұмыстары жүргізілуде.
"Біз ЕАЭО аясында барлық шетелдік рұқсат бланкілерін электронды форматқа ауыстыруды ұсынамыз.Қағаз айналымын жою сыбайлас жемқорлық тәуекелдерін азайтады, сауданың ашықтығын арттырады және ең бастысы, бизнеске өз шығындарын оңтайландыруға мүмкіндік береді". Қазақстан Республикасының Премьер-Министрі Әлихан Смайылов
Сонымен қатар, Одақ елдерінің өзара сауда саласындағы электрондық өзара іс-қимылы өзекті мәселе болып қалуда. Премьер-Министрдің айтуынша, осы және басқа да мәселелер цифрландыру саласындағы бірлескен жұмыстың маңызды бағыттары болып табылады.
Бұған дейін ҚР Премьер-Министрі ЕАЭО елдеріне байланыс қызметтерінің қолжетімділігі мен сапасын арттыру үшін радиожиілік спектрін синхрондау туралы ұсыныс жасаған болатын.