Күні кеше әнші Ерке Есмаханның сырға салу рәсімі өтті. Ерке қуанышты жаңалығын айтып, Instagram-дағы парақшасында фотолар жариялады. Кей оқырман Еркенің осындай маңызды күнінде қасында неге Гүлназ Жоланова құрбысы болмағанын сұрады. Әнші мұндай сұраққа жаңалық айтып, жауап берді.
"Екеуіміз жүріп-жүріп, енді бір-бірімізге қабаттасып, тұрмысқа шығып жатырмыз. Кеше Ақтауда Гүлназға да сырға салынды, ағайын. Бір күнде "сырғалым" болдық. Теңін тапқан құрбыма бағың ашылсын деймін. Бақытты, үбірлі-шүбірлі болыңдар", - деп жазды Ерке Есмахан.
Гүлназ Жоланова өзінің парақшасына сырға салу рәсімі үшін арнайы жасалған баннерді көрсетті. Одан соң Ақтауда түнімен қар жауғанын, осы құбылысты жақсыға жорығанын жазды.
Айта кетері, Гүлназ Жолановаға АҚШ-та, жаңа жыл мерекесі қарсаңында сөз салынған еді. Актриса сол кезде жаңа сақинасының фотосын жариялаған.