Рейдерлік ел экономикасының қалыптасуы мен дамуына теріс әсер етеді, кәсіпкерлік негіздерін бұзады, еліміздің инвестициялық тартымдылығын төмендетеді.
Бас прокуратурада рейдерлікке қарсы іс-қимыл және кәсіпкерлік қызметке кедергі жасау мәселелері талқыланды. Қылмыстық процесте бизнесті қорғау құқық қорғау және арнайы органдар жұмысының негізгі бағыттарының бірі болуға тиіс екендігі атап өтілді. Дәл осы салада кәсіпкерлер ең қатал қысымға тап болады.
Елде осы санаттағы қылмыстарға қарсы іс-қимыл жөніндегі заңнаманы жетілдіру бойынша шаралар жоспарлы түрде қабылданып жатыр.
- 2011 жылғы қаңтарда рейдерлік үшін қылмыстық жауапкершілік алғаш рет енгізілді (бизнесті және мүлікті заңсыз басып алуға қарсы іс-қимыл туралы заңмен).
- 2021 жылғы шілдеде Қылмыстық кодекстің 249-бабы осы қылмысты жасаудың жаңа тәсілдерімен толықтырылды. Осы бап бойынша жауапкершілік күшейтілді. Құрамы ауыр қылмыстар санатына жатады. Құқық қорғау, бақылау және өзге де органдардың ресурстары мен өкілеттіктерін пайдалана отырып не сот тәртібімен басып алу орын алған кезде "сыртқы, күштік" рейдерліктің жаңа құрамы енгізілді.
2022 жылғы 14 желтоқсан күні ҚР Қаржылық мониторинг агенттігі рейдерлік әрекет жасады деген күдікпен Қоспаев пен оның сенімді өкілдеріне қатысты ұйымдасқан қылмыстық топ құру және оған қатысу фактісі бойынша сотқа дейінгі тергеуді тіркегенін мәлімдеді.
