"Зираттың ішін өзіміз түгел ретке келтірдік. Әй-шәй жоқ, соңында жердің иелері пайда бола қалды. Мүрделердің жаны қалай жекеге өтуі мүмкін? Үлкен техникалардың жұмысынан мүрделер опырылып жердің астына кетіп жатыр. Иә, бұл жерде қайтыс болған адамдар жатыр, бірақ олар біздің жақындарымыз ғой". Алматы облысының тұрғыны Елена Брюзгина
Бұл туралы КТК телеарнасының хабарлауынша, құрылыс пен зираттың арасы бірнеше метр. Компания молаға кірер жалғыз жолды да жауып тастапты.
"Зиратқа кіру, адамдарды жерлеу қиындап кетті. Кішкентай ғана тесікке ешкім сыймайды. Өрт сөндіру көліктері кіре алмайды. Қоршаудың кесірінен полицейлер де күзете алмай жүр. Ақыры неше түрлі нашақор, маскүнемдер жиі жиналады". Алматы облысының тұрғыны Алексей Павленко
Әкімдіктегілер жер иесінің қолында зауыттың құрылысын бастауға құжаты бар деп отыр, бірақ санитарлық талаптардың сақталмағанын растады, яғни құрылыс жұмысы зираттан 300 метр қашықтықта жүргізілуге тиіс.
"Аван құрылыс" компаниясы ғой деймін. Немен айналысатынын білмедім. Әлі салынып біткен жоқ. Қараңыз, мынау жер, қоршау жеке компаниянікі. Қазір ашып беремін дейді. Қоқыстарын жинап, жауапты адамды қойсын дейді. Өйткені өрт қауіпсіздік шараларын сақтасын дегендей". Іргелі ауылы округі әкімінің орынбасары Амантай Терлікбаев
Тұрғындар егер құрылыс компаниясы жолды ашпай, әлі де жұмысын тоқтатпаса, сотқа жүгінеміз деп отыр.
