Бұл туралы Өзбекстанның кинематография агенттігі хабарлады.
"Өзбекстанның халық әртісі, сүйікті актеріміз Мурад Раджабов көп уақытқа созылған сырқатынан кейін 74 жасында қайтыс болды", - делінген хабарламада.
Мурад Раджабов 1949 жылы 30 мамырда Ташкентте туған. А.Н.Островский атындағы Ташкент театр-көркемсурет институтының актерлік факультетін бітірген.
Актер ондаған фильмдерге түсіп, өзбек киносының жарық жұлдызына айналды, ол әсіресе "Темір Хотин", "Кичкина табиб", "Улфатлар" және басқа да фильмдердегі рөлдерімен есте қалды.
Мурад Раджабов 2015 жылдан бері фильмдерге түспеген. Осы жылдың басында оның қатты ауырып жатқаны белгілі болды.
