Синоптиктердің мәліметінше, Батыс Қазақстан облысының оңтүстігінде, солтүстігінде және Оралда найзағай ойнап, күн күркірейді. Облыстың оңтүстігінде, оңтүстік-шығысында солтүстік-батыстан соққан желдің екпіні 15-20 м/с құрайды.
Атырау облысының батысында, оңтүстігінде найзағай ойнап, күн күркірейді деп болжанады. Күндіз облыстың басым бөлігінде +36°С дейін қатты ыстық болады.
Синоптиктер 1-3 маусым аралығында түстен кейін Ақмола облысының батысында сынап бағаны +41°С дейін көтерілетінін болжайды.
Астанада 1-3 маусым аралығында +35-37°С - қатты ыстық болады деп күтіледі.
1 маусымда таңертең және түстен кейін Маңғыстау облысының солтүстік-батысында, оңтүстігінде найзағай ойнап, күн күркірейді деп болжанады. Күндіз облыстың оңтүстігінде, солтүстігінде шаңды дауыл тұрады. Күндіз облыстың оңтүстігінде, солтүстігінде оңтүстік шығыстан оңтүстік батысқа ойыса соққан желдің екпіні 15-20 м/с құрайды. Күндіз облыстың оңтүстігінде сынап бағаны +39°С дейін көтеріледі деп болжанады. Облыстың орталығында, солтүстігінде өрт қаупі жоғары болады.
1-3 маусым күндері түстен кейін Ақтөбе облысының оңтүстік-шығысында, Қостанай облысының оңтүстік жартысында сынап бағаны +41°С дейін көтеріліп, төтенше өрт қаупі сақталады.
2-3 маусымда Солтүстік Қазақстан облысының оңтүстік-батысында +40-41°С қатты ыстық болады деп күтіледі.
1-2 маусымда Жамбыл облысының солтүстігінде шаңды дауыл тұрады деп күтіледі. Өңірдің оңтүстік-батысында, солтүстік-шығысында, таулы аудандарында солтүстік-шығыстан соққан желдің екпіні 15-20 м/с, кей тұста 23 м/с дейін барады. Таразда солтүстік-шығыстан 15-20 м/с жылдамдықпен жел соғады деп болжанады. "Қазгидромет" РМК
1 маусымда Жетісу облысының шығысында, орталығында, таулы аудандарында солтүстік-шығыстан жел соғады, екпіні 20 м/с-ға дейін жетеді, күндіз Алакөл ауданында соққан желдің екпіні 23-28 м/с құрайды. Талдықорғанда 1 маусымда түстен кейін солтүстік-шығыстан жел соғады, екпіні - 15-20 м/с.
Абай облысының солтүстігінде төтенше өрт қаупі сақталады.
1 маусымда Павлодар облысының шығысында, орталығында және Павлодарда төтенше өрт қаупі сақталады.
31 мамырда сағат 21:00-ден 1 маусымда сағат 21:00-ге дейін Өскемен мен Риддер қалаларында күтілетін қолайсыз метеожағдайларға байланысты екінші дәрежелі ҰМУ туралы ескерту жарияланады.
Күндіз Ұлытау облысының басым бөлігінде +35°С қатты ыстық болады деп күтіледі. Күндіз Жезқазғанда 1 маусымда +35°С қатты ыстық болады деп болжанады.
Түркістан облысының солтүстігінде шаңды дауыл тұрады деп күтіледі. Облыстың солтүстігінде, батысында, таулы аудандары мен тау бөктерінде шығыстан 15-20 м/с, кей тұста 23 м/с жылдамдықпен жел соғады. Облыстың басым бөлігінде өрт қаупі жоғары болады деп күтіледі. Шымкент пен Түркістанда күндіз шығыстан соққан желдің екпіні 15-20 м/с құрайды. "Қазгидромет" РМК
1 маусымда түстен кейін Ақтөбе облысының басым бөлігінде +35-38°С қатты ыстық болады деп болжанады, облыстың басым бөлігінде жоғары өрт қаупі сақталады, облыстың оңтүстік-батысында да төтенше өрт қаупі сақталатыны ескертіледі.
Ақтөбеде сынап бағаны +35-37°С дейін көтеріліп, жоғары өрт қаупі сақталады.
Күндіз Қостанай облысының батысында, солтүстігінде найзағай ойнап, күн күркірейді деп болжанады. Күндіз облыстың батысында, солтүстігінде оңтсүтіктен соққан желдің екпіні 15-20 м/с болады. Облыстың басым бөлігінде +38°С дейін қатты ыстық болады. Қостанайда күндіз сынап бағаны +37°С дейін көтеріледі деп күтіледі.
Қызылорда облысының орталығында, шығысында шаңды дауыл тұрып, шығыстан соққан желдің екпіні 23 м/с құрайды. Төтенше өрт қаупі сақталады.
Қызылордада шығыстан соққан желдің екпіні - 15-20 м/с, өрт қаупі жоғары.
