2021 жылдың маусым айында Ресей Федерациясының Челябі облысы Жабық ауылында ірі орман өрті болды. Бұл бейнежазбаның Абай өңіріне еш қатысы жоқтығын көрсетеді, деп жазады облыс әкімдігінің баспасөз қызметі.
"Бұқаралық ақпарат құралдары мен әлеуметтік желілерде жалған ақпарат таратқандар бас бостандығынан айыруға дейін жазаланатынын естеріңізге саламыз. Азаматтарды дүрбелеңге түспеуге, тек ресми ақпаратқа сенуге шақырамыз", - делінген хабарламада.
Бұған дейін әлеуметтік желіде Бородулихин ауданындағы өрттің жалған видеосы тарап кеткен болатын.
Кейін әлеуметтік желілер мен мессенджерлерде өрт Шүлбі ГЭС-інен шыққан деген жалған ақпарат тарады.
