Атырау қаласы әкімдігінің ресми сауалға берген жауабынан басты көпірдің жабылмайтыны белгілі болды. Дегенмен көпірдің "орташа" жөндеуге жабылатыны туралы көктемде жариялаған еді, деп жазады "Ақ Жайық" басылымы.
"АЖ" редакциясының сауалына қала әкімінің орынбасары Серік Нысанбаев бұл жобаға түзетулер енгізіліп жатқанын, себебі "автокөпірдің техникалық жағдайын ескере отырып, толықтай қайта жаңғырту жұмыстарын жүргізу қажет" екенін хабарлаған.
Толық қайта жаңарту үшін аталған көпір қашан және қандай мерзімге жабылатыны, әзірге белгісіз. 1965 жылы салынып, әбден тозығы жеткен АВТО көпірді "орташа" жөндеуге жабу жоспарланған болатын.