"Қазгидромет" РМК ұсынған мәлімет бойынша, еліміздің басым бөлігінде күн райы құбылмалы болады. Синоптиктер жаңбыр жауады, республиканың солтүстігінде қатты жаңбыр жауады деп болжады. Тек республиканың батысында, оңтүстігінде күн ашық болады.
Республика бойынша күн күркіреп, екпінді жел соғады, бұршақ жаууы мүмкін. Елдің оңтүстік-батысында шаңды дауыл тұрады. Қазақстан Республикасының солтүстік-батысында, солтүстігінде тұман түседі.
Астанада – көшпелі бұлт шығады, әлсін-әлсін жаңбыр жауады, найзағай ойнайды. Оңтүстік, оңтүстік-батыстан 9-14, күндіз екпіні 15-20 м/с болатын жел соғады. Ауа температурасы түнде +7+9°С, күндіз +16+18°С.
Алматыда – көшпелі бұлт шығады, жауын-шашынсыз. Оңтүстік-батыстан 2-7 м/с жел соғады. Ауа температурасы түнде +13+15°С, күндіз +25+27°С.
Шымкентте – көшпелі бұлт шығады, жауын-шашынсыз. Оңтүстік-батыстан 8-13 м/с жел соғады. Ауа температурасы түнде +13+15°С, күндіз +28+30°С.
