"Қадағалау" жедел-профилактикалық іс-шарасын өткізу барысында Алматы облысының ҚАЖ қызметкерлері тыйым салынған заттарды колонияға лақтыру фактісінің алдын алды.
Алматы қаласы, Алматы және Жетісу облыстары бойынша ҚАЖД қарасты №10 мекеменің қызметкерлері, өткізілген іс-шара барысында, алкогольді ішімдікпен телефондарды колония аумағына лақтырмақ болған ер адамды ұстады.
Оқиға орнынан скотчпен оралған түйіншекпен 0,5 литрлік екі бөтелке табылды. Түйіншек ішінен, 4 телефон және спирт иісі бар 1 литр көлемінде сұйықтық тәркіленді.
"Ұсталған адамның жеке басы анықталып, болған жәйтқа қатысты материалдар Іле аудандық полиция бөліміне жіберілді. Сондай-ақ, ұсталған ер адамның бұрын сотты болғаны да белгілі болды",- деп атап өтті ҚАЖД бастығының орынбасары Қанат Ашов.
