"Қазгидромет" РМК ұсынған мәлімет бойынша, алдағы күндері батыс, оңтүстік, Ақтөбе және Ұлытау облыстарында күн жауын-шашынсыз болады.
Апта соңында солтүстік өңірлерде, Қарағанды облысында жаңбыр жауады, кейін жауын-шашын тоқтайды деп болжанды.
"Елдің шығысында және оңтүстік-шығысында жаңбыр жауады, кей жерлерде қатты жаңбыр жауады, түнде таулы аймақтарда жаңбыр соңы қар аралас жаңбырға айналуы мүмкін", – деп хабарлады "Қазгидромет" РМК баспасөз қызметі.
Синоптиктердің мәліметінше, түнде және таңертең еліміздің солтүстігінде, шығысында және орталығында 2 градусқа дейін үсік жүреді.
Күндіз республиканың батысында ауа +25+30°-қа дейін жылынады.
Солтүстік, оңтүстік облыстарда және республика орталығында ауа температурасы +18+23°-қа дейін көтерілсе, республиканың шығысында ауа температурасы +7+13°-қа дейін төмендейді.
