Ақтау тұрғындары әлеуметтік желілер мен мессенджерлер арқылы сағаттарды өзгерту туралы бюллетень тарата бастады. Фейк авторлары сағат белдеуі бірнеше облыста, соның ішінде Маңғыстау облысында да өзгертілетінін алға тартқан.
Ақпарат бюллетенінде 1 желтоқсаннан бастап Ақтөбе, Атырау, Батыс Қазақстан, Қызылорда және Маңғыстау облыстары Астана уақыты бойынша өмір сүре бастайтыны айтылған. Маңғыстау облысының билігі бұл ақпаратты жоққа шығарды.
"Маңғыстау облысының әкімдігі мұндай бұйрықтардың келмегенін хабарлады, сәйкесінше, жіберілген ақпарат туралы ештеңе де белгісіз", - деп жазды Lada.kz.
Қазақстанда сағат белдеулерін қайта қарау туралы қауесет 2023 жылдың басында пайда болды. Олар ҚР Сауда және интеграция министрлігі Техникалық реттеу және метрология комитетінің (ТРМК) төрағасы Қуаныш Елікбаевтың сөзіне негізделді. Министрлік өкілі бұл мәселе бойынша жұмыс тобы құрылатынын айтты. Алайда содан бері уақытқа қатысты нақты шешім жарияланған жоқ.