Қазгидромет мамандары 10 қарашада Шымкентте қолайсыз метеорологиялық жағдай болжанғанын ескертті.
Қолайсыз ауа-райы жағдайы (ҚАЖ) – атмосфера ауасының беткі қабатында зиян (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, аз жел, тұман, инверсия) жиынтығы. ҚАЖ болғанда елді мекендердегі атмосфера ауасының сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі – синоптика жағдайын болжау (жел, жауын-шашын, ылғал, ауа температурасы).
Қолайсыз ауа-райында мына әрекеттер ұсынылады:
- ашық ауада, әсіресе магистральдардың немесе басқа ластаушы көздердің жанында уақыт өткізуді қысқарту;
- балалар мен жүкті әйелдер ұзақ серуеннен аулақ болуы керек;
- өкпенің созылмалы ауруы, жүрек-қан тамырлары ауруы және аллергиясы бар адамдар сыртқа шыққанда өзімен бірге дәрісін алып жүруі керек;
- Сырттағы физикалық белсенділікті шектеңіз. Дене шынықтыру және спорт іс-шаралары жабық спорт кешенінде жүргізілуі керек.