Бүгін, 22 қарашада елордалық Төтенше жағдайлар департаменті Астана тұрғындарын қауіпсіздік шараларын сақтауға шақырды. Мегаполисте қатты жел соғып, көктайғақ болады деп болжанды. Көп ұзамай күн райына байланысты қалалық білім басқармасы да мәлімдеме жасады.
"Құрметті ата-аналар және оқушылар! Астана қаласының Білім басқармасы ауа райы жағдайларын ескере отырып, екінші ауысым сабақтарының уақытын 35 минутқа дейін қысқарту туралы шешім қабылдады. Сабақ соңында оқушыларды мектептен ата-аналары немесе заңды өкілдері алып кеткені дұрыс. Қолданыстағы ережелерге сәйкес жаңбыр мен көктайғақ сабақтарды тоқтатуға негіз бола алмайды".Астана қаласы білім басқармасының баспасөз қызметі
Бұған қоса хабарламада әрбір ата-ана сынып жетекшісіне алдын ала хабарлай отырып, баланы мектепке жібермеуіне болатыны айтылған.