Билік "Маңғыстау облысы 1 желтоқсаннан бастан Астана уақытына көшеді" деген қауесетті жоққа шығарды

Маңғыстау облысының тұрғындары мессенджерлер мен әлеуметтік желілерде 2023 жылғы 1 желтоқсаннан бастап облыстағы уақыт Астана уақытымен теңестірілетіні жөнінде хабарламалар таратып жатыр, деп хабарлайды Zakon.kz.

Маңғыстау облысының ішкі саясат басқармасы бұл мәселе бойынша шешім қабылданбағанын жеткізді.

"Бұл мәселе бойынша шешім егжей-тегжейлі зерделеуден кейін, сондай-ақ жұртшылықпен кеңінен талқыланғаннан кейін қабылданады", – деді Lada.kz тілшісіне Маңғыстау облыстық ішкі саясат басқармасы басшысының орынбасары Ақай Мұсалиев.