Видеоны Instagram-дағы kris.p.shym парақшасы жариялады.
"Талдықорғаннан жалынды сәлем... 2024 жылдың алғашқы минуттары. Баршаңызды Жаңа жылмен құттықтаймыз. Тиісті мекемеден ресми ақпарат күтеміз", - делінген жазбада.
Ескерту! Видеода балағат сөздер бар.
Видеоға қатысты облыстық полиция департаменті түсінік берді. Оқиға Жаңа жылды тойлау кезінде емес, бірнеше күн бұрын болғаны белгілі болды.
"Бұл дерек 29 желтоқсанда Талдықорғанда тіркелді. Оқиға орнына жеткен полиция жасағы жанжалға қатысқандарды қалалық басқармаға жеткізді", - деп хабарлады Zakon.kz тілшісіне Жетісу облыстық полиция департаментінің баспасөз қызметі.
Облыстық полицейлер жаппай төбелестің салдарынан зардап шеккендер жоқ екенін мәлімдеді.
"Аталған факті бойынша ҚР Қылмыстық кодексінің 293-бабының 2-бөлігі ("Бұзақылық") бойынша тергеу амалдары жүргізіліп жатыр", - деп хабарлады Жетісу облыстық полиция департаментінің баспасөз қызметі.
