Алаяқтар сілтемені пайдаланып, көрсетілген сілтеме арқылы өткеннен кейін олардың WhatsApp жеке жазбасына қол жеткізетіні анықталды.
"Осыған байланысты біз азаматтарды, мысалы, жүлделер ұтыс ойыны, балаларға дауыс беру, кез келген тақырып бойынша сауалнама түрінде таратылатын күмәнді сілтемелер бойынша өтпеуді, сондай-ақ ешбір жағдайда өздерінің жеке деректерін енгізбеуді ескертеміз”. Астана полициясы
Егер сіз күдікті сілтеме арқылы кездейсоқ өтіп кетсеңіз, WhatsApp-тағы "Баптаулар" дейтін бөлімге өтіп, "Құрылғыны байланыстыру" батырмасына өту арқылы бір тексеріп алыңыз.
"Егер осы жерде бейтаныс құрылғы көрсетілсе, дереу осы сессиядан шығыңыз. Ең дұрысы, есептік жазбаңызды қорғауды күшейту үшін екі сатылы растау батырмасын қосыңыз. Сондай-ақ, егер сіз осындай түрдегі таныстарыңыздан ақша қаражатын қарызға алуды сұрайтын хабарлама алсаңыз, оны жібермес бұрын досыңызға қоңырау шалып, ақша сұрағанына көз жеткізуіңіз керек", - делінген хабарламада.
