"Бүгін академик, қазаққа, соның ішінде интеллигенция қауымына жақсы танымал Асқар Жұмаділдаев біздің кеңсеге қонаққа келді. Ол - Атырауда өтіп жатқан Ұлттық Құрылтайдың Құрметті қонағы. Интерактивті музейімізді көрді, қатты ұнағанын айтты. Бізге, мұнайшыларға өте жақсы тілегін арнады. "Атыраудың парқы - мұнай. Сендердің үлестерің үлкен" деген сөзін естігенде сондай қуандым. Бұл кісінің сұқбаттарын үнемі оқып, көріп жүретінмін. Күллі қазаққа сыйлы азаматтың біздің кеңсеге арнайы келуі - ембіліктерге көрсетілген құрмет. Бізге арнаған жақсы сөзін осы кітапшаға қалдырды. Не жазғанын білгіңіз келсе, біздің Интерактивті музейге келіңіз" деп жазды Facebook-те Ғалия Қаражанова.
Айта кетсек, 2024 жылы 15 наурызда Атырауда Мемлекет басшысы Қасым-Жомарт Тоқаевтың төрағалығымен Ұлттық құрылтайдың үшінші отырысы өтті. Ұлттық құрылтайда Президенттің сөйлеген сөзінің толық мәтінімен мына арадан таныса аласыздар.
