Биыл Қазақстан Республикасы Қарулы Күштерінің 32 жыл толды. Отан қорғаушы күні қарсаңында Алматының барлық мектебінде "Ерлік сабақтары", сынып сағаттары, оқырмандар мен эсселер байқаулары және т.б. өтеді.
Мерекелік іс-шаралар қала аудандарында өтеді:
Әуезов ауданында 3 мамыр күні сағат 10:00-де Б.Момышұлы атындағы Алматыдағы "Жас ұлан" республикалық әскери мектептің базасында "Ұранды елдің ұрпағы қайсар" мерекелік іс-шарасы өтіп, театрландырылған қойылым көрсетіледі.
Түрксіб ауданында 6 мамыр күні сағат 15:00-де ҚР Құрлық әскерлері Әскери институтының базасында көркемөнер ұжымдары мен әскери бөлімдердің қатысуымен концерт өтеді.
Наурызбай ауданында 6 мамыр күні Ақжар шағын ауданында Дәулеткерей көшесі 178, 2027 әскери бөлімінің аумағында сағат 10:00-де әскери қызметшілерді марапаттау және сарбаздардың ант қабылдау рәсімі өтеді.
Бостандық ауданында 7 мамыр күні сағат 09:00-де Попов 1а мекенжайында "Ел ертені-бүгінгі жастары" атты салтанатты іс-шара өтеді. Іс-шара барысында әскери қызметшілерді марапатталып, қонақтар үшін саптық марш ұйымдастырылады.
Алмалы ауданында 6 мамырда сағат 11:00-де №120 гимназияда "Жас сарбаз" (9-11 сыныптар арасында) әскери-спорттық ойындарының жарысы өтеді. 6 мамырда сағат 13:00-де №55 ЖББМ-де (7-9 сыныптар арасында) Сап және ән байқауы болады.
Жетісу ауданында 7 мамыр күні сағат 11:00-де Райымбек даңғылы, 235 (Орталық зират) мекенжайындағы "Белгісіз сарбаздың қабірі" ескерткішіне гүл шоқтары қойылады.
Алатау ауданында 7 мамыр күні сағат 11:00-де аудан әкімдігі ғимаратының алдында "Ер есімі – Ел есінде" ескерткішіне гүл шоқтары қойылады.