Ұлттық құрама спортшысы Дияс Тойшыбек Словенияның Копер қаласында өтіп жатқан спорттық гимнастикадан әлем кубогінің Challenge Cup турнирінде күміс жүлдеге ие болды.
Бұл туралы Спортты дамыту дирекциясының баспасөз қызметі хабарлады.
Ат снарядындағы финалда ол жаттығуы үшін 14.150 ұпай алды. Мұнда әлем чемпионатының күміс жүлдегері, Токио Олимпиадасының қатысушысы Илья Ковтун (Украина) топ жарды. Қола хорват гимнасты Матео Жугецке бұйырды.