Роман Скляр Primeminister.kz сайтына берген сұхбатында елімізде 2019 жылдан бастап "Жол активтері сапасының ұлттық орталығы" РМК жұмыс істейтінін атап өтті. Кәсіпорын қалалардың барлық автомобиль жолдары мен көшелеріндегі учаскелердің тапсырыс берушілері, мердігерлері және техникалық қадағалауынан кейін іріктеп бақылау жүргізеді.
"Жолдардың сапасы мердігерлерге ғана емес, сонымен қатар жолдарды қазып, салдарын дереу жоюға тура келетін коммуналдық апаттарға да байланысты. Біздің елде жол салушылар кеңестік құрылыс нормалары мен ережелері бойынша жұмыс істейді деген стереотип бар. Бұл жай ғана миф деп айта аламын. Өткен ғасырдың 90-шы жылдарының соңынан бастап, республикалық желіге алғашқы қарыздар алынған кезде, халықаралық қаржы ұйымдарының автомобиль жолдарын күрделі жөндеу бойынша реконструкциялау жөніндегі нормативтік базаның әлемдік стандарттарға сәйкес келуі тиіс деген талаптары болды. Біз Еуропа мен АҚШ-тағы сияқты жобалаймыз. Әрине, сапаны жақсартуға ұмтылу керек, кемелдіктің шегі жоқ. Әрбір саланы, оның ішінде жол саласын Үкімет қандай да бір дәрежеде қолдайды",- деді Скляр өз сөзінде.
Ол сондай-ақ, ақылы жолдың жол сапасына қалай әсер еткенін айтты.
"Біз жолдарда ақы төлеу жүйесін белсенді түрде енгізіп жатырмыз. Бірнеше жылдан кейін өзін-өзі ақтап, осы жолдарды нормативтік шектерде қамтамасыз етуі тиіс. Егер республикалық автокөлік жолдары желісін алатын болсақ, жолдар нашар салынып жатыр деген стереотиптер бар".Роман Скляр
Сонымен қатар, 2009 жылы "Астана – Бурабай" автомобиль жолының соңғы учаскесі тапсырылғанын да атап өтті.
"15 жыл өтті — бұл жол әлі де өте жақсы жағдайда, өйткені ол дұрыс күтіп ұсталды. Бірақ біздің нормативтеріміз бойынша жұмыс істесек, келесі жылы мұнда күрделі жөндеу жұмыстарын бастауымыз керек",- деп қосты ол.
Басқа да мысалдар бар, мәселен "Батыс Еуропа – Батыс Қытай" автожолы.
"Біз халықаралық қаржы институттарынан несие алдық, жобаны 2015 жылы толығымен аяқтадық, бірақ кейбір учаскелердегі жұмыстар ертерек аяқталды. Жолдардың жағдайы жақсы, олар дұрыс күтілуде, сапасы еуропалық сападан кем түспейді. Жобаларға әлемдегі үздік компаниялардың техникалық қадағалау инженерлері тартылды. Біздің мамандар сол жолдарда бірге жұмыс істеп, тәжірибе жинады".Роман Скляр
Бірінші вице – премьер Астана-Павлодар жолының кейбір учаскелері 10 жылға жуық уақыт бойы қолданыста болатынын атап өтті.
"Астана – Павлодар" жолының кейбір учаскелері 10 жылға жуық уақыт бойы қолданыста болды. 1999 жылдан бері салынған жол учаскелерін алайық: бұл "Атырау – Бейнеу" жолы, жеткілікті уақыт өтті. Күрделі жөндеу немесе реконструкциялау жұмыстарын жүргізу қажет, бірақ соған қарамастан жол әлі де қолданыста",- деп қорытындылады ол.
4 маусымда ҚР ӨҚМ утиль алымы мәселелері бойынша петицияны қарау жөніндегі жұмыс тобының құрамын бекітті.
