Қазақстандықтардың өтінішіне бей-жай қараған 600-ден астам шенеунік жазаланды

Сурет: pixabay

26 қарашада ҚР Бас прокуроры Берік Асылов жергілікті атқарушы органдарда азаматтардың өтініштерін қарау жағдайына қатысты алқа отырысын өткізді, деп хабарлайды Zakon.kz.

Оның айтуынша, осы жылдың 10 айында ЖАО-ға 1,1 млн өтініш түскен.

"Прокурорлар олардың әкімдіктерде қаралу сапасын тексерді. Республика бойынша қадағалау актілері негізінде әкімдіктердің 1652 лауазымды тұлғасы түрлі жауапкершілікке тартылды, оның 601-і – басшылық құрам", - деп жазды Берік Асылов.

Ол әкімдіктер мен мемлекеттік органдарға жасанды интеллектті пайдалана отырып қоғам үшін маңызды мәселелерді талдау тәсілдерін қайта қарауды ұсынғанын жазды.

"Прокурорларға өтініш иелерінің бұзылған барлық құқықтарын қалпына келтіру және заңсыз шешімдерді жою шараларын қабылдау тапсырылды", - деді Берік Асылов.

Оқи отырыңыз