Сарбаздың әкесі Тимур Жаналин Instagram парақшасында дәрігерлерге алғысын білдірген видео жариялады.
"Осы ұзақ уақыт бойы бізге жан-жақты қолдау көрсетіп, ұлымыз үшін дұға еткендердің барлығына алғысымызды білдіргіміз келеді. Ұлымыздың комадан шыққаны туралы қуанышты хабарды айтуға асығамыз. Ол қазір дәрігерлер айтқандай дүмпу күйінде. Ол бізді таниды, бірақ бұрын жасалған трахеостомияға байланысты әлі сөйлей алмайды. Оның жағдайы әлі ауыр", - деді ер адам.
Бұдан бұрын хабарланғандай, Мемлекет басшысы Қасым-Жомарт Тоқаев Жамбыл облысы Отар ауылындағы әскери бөлімнен ес-түссіз күйге түскен әскерге шақырылған сарбаздың анасының әлеуметтік желіде жарияланған үндеуімен танысты.
Мемлекет басшысы оқиғаның мән-жайын жан-жақты зерттеп, кінәлілерді жазалауды талап етті.
Президент қорғаныс министрінің назарын әскердегі мұндай оқиғаларға жол беруге болмайтындығына аударып, тергеуді бақылауға алуды тапсырды.
Қорғаныс министрлігі өз кезегінде әскери қызметшінің бастапқыда медициналық орталыққа жалпы әлсіздік және дене қызуының көтерілу шағымдарымен жүгінгенін хабарлады.
Кейін, 17 маусымда Қазақстанның Ішкі істер министрлігі ес-түссіз күйге түскен мерзімді әскери қызметшіге қатысты келісім-шарттағы әскери қызметшінің өкілеттігін асыра пайдалану дерегі бойынша қылмыстық іс қозғады.