Марат Қожаев бұл тыйым өз уақытында жүргізушілер мен жолаушыларды сәйкестендіру қиындықтарына байланысты енгізілгенін айтты.
"Қараңғылау мәселесі бірінші күн көтеріліп отырған жоқ. Қазір ІІМ тыйым салу тарихын зерттеп жатыр. Сондай-ақ, бұл мәселені депутаттар да қарастыруда. Кеден одағында көліктің әйнектері қаншалықты деңгейде қараңғы болу керек екендігі жазылған регламенттері бар. Бұл жол қозғалысы бұзылған кезде жүргізушілерді, жолаушыларды анықтаудың белгілі бір қиындықтарымен байланысты болды. Қазір енді құқық бұзушылықтарды тіркеудің жаңа техникалық құралдары пайда болды. Сондықтан да осы мәселені қайтадан қарауға алып жатырмыз",- деді ол.