ҚР ІІМ хабарлағандай, 24 мамырдан бері халықаралық нашақорлыққа қарсы күрес күніне орай республикалық есірткіге қарсы айлық өткізілді.
"Бұл шаралар 280 мыңнан астам жасөспірім мен жастарды қамтыды",- делінген хабарламада.
Нарколог-дәрігерлер және салауатты өмір салтын қалыптастыру орталықтары өзекті мәселелер бойынша азаматтарға кеңестер ұйымдастырды. Сондай-ақ, барлық өңірде үкіметтік емес ұйымдармен бірлесіп, есірткі сайттарының жарнамасы бар граффити-жазуларды анықтау және өшіру бойынша жұмыстар жүргізілді. Оған 500-ге жуық ерікті қатысып, 6 мыңнан астам граффити боялды.
