"Қазгидромет" РМК деректері бойынша, алдағы күндері күн жылынып, жауын-шашын тоқтай қоймайды.
"Атмосфералық фронттардың өтуіне байланысты Қазақстанның басым бөлігінде жауын-шашын (жаңбыр, қар) болады деп болжанады. Республикамыздың басым бөлігінде тұман түсіп, жел екпін алады, ал еліміздің солтүстігінде, орталығында, шығысында көктайғақ болады деп күтіледі", делінген 29 қазанға арналған ауа райы болжамында.
Сондай-ақ, гидрометеорологиялық орталық алдағы тәулікте республикамыздың оңтүстігі, оңтүстік-шығысы мен шығысындағы тауларда жауған жаңбырға байланысты өзен-сулардың тасу қаупі байқалатынын хабарлайды.
