Ол компанияның 10 сұйытылған мұнай газ өндірушілерінің бірі екенін атап өтті.
"Біздің өндірістегі үш зауытымыз да жұмыс істеп тұр. Министрлік бөлген кесте бойынша өнімдерді шығарудамыз. Тіпті бүгінгі күні озық өндірудеміз. Өндірген өнімнің барлығын нарыққа бағыттап отырмыз",- деді Асхат Хасенов.
ҚМГ басшысы кезектер мезгіл-мезгіл пайда болатынын, бірақ бұл өндірушілерге емес, нарықта газ тарататын Энергетика министрлігіне қатысты мәселе екенін айтты.
Бұған дейін Қазақстанда сұйытылған газдың көтерме бағасын сақтау жоспарланып отырғаны хабарланған болатын.
