Өйткені 11 ірі зауытпен қоса қалада ұсақ өндіріс те көбейіп келеді.
Көмір жағатын 30 мыңға жуық жеке сектордағы үй мен автокөліктер де зиянды қалдықтар шығарады.
Сондықтан жақында құрылған "Өскемен тынысы" экологиялық қоғамдық бюросының мүшелері қаланың эко-ахуалын бақылауда дрондарды да қолдану керек деген ұсыныс айтты.
Экологтар бұл тәсіл өз нәтижесін береріне сенімді, деп жазады qazaqstan.tv.
Арнайы құрылғымен жабдықталған дрон бір мезетте Өскеменнің 11 аумағын түгел қамти алады.
"Біздің жобалуымыз бойынша дрондарды қолдану арқылы ауаны ластаушы нысандар туралы қазіргіден де ауқымды мәліметке қол жеткіземіз. Яғни күмәнді бейнежазбалармен әуре болмаймыз. Бұл аппарат тәулік бойы шынайы ақпарат береді. Әрине ол үшін бір-екі дрон аз болады. 11 аумақтық учаске бар болса, 11 дрон керек." Елена Березинская-Абилова, "Экология тынысы" жобалау кеңсесінің жетекшісі