"Жетінші арна" ақпаратына сүйенсек, аурудың ошағы болып тұрған Бұлақ ауылы карантинге жабылды. Жергілікті тұрғындар ірі қарадан өндіретін сүт пен майды, қатық пен етті сатып күн көріп отырғандарын айтып, алаңдаушылық білдіруде.
"Менің 12 сиырым ауырып қалды, көршімнің 24 сиыры, басқа ауыл тұрғындарында тағы 28 сиыр бар. Осы уақыт ішінде біз 300-ге жуық сиырдан айырылдық. Қазір карантин аяқталғанға дейін ветеринарлар сау малға вакцина бере алмайды. Ал егер біз оны өзіміз сатып алып, егетін болсақ, онда вакцина жарамсыз болып саналады", – деп бөлісті Бұлақ ауылының тұрғыны Серікхан Серікбайұлы.
Жергілікті тұрғындар малдарын сақтап қалу үшін тиісті шаралардың қабылдануын күтуде.
Ветеринарлық инспекция болса жағдайдың бақылауда екенін айтты. Бүгінде 15 шаруа қожалықтан 193 бас мал союға жіберілді. Бұл ретте, соңғы үш айдың ішінде осы ауылдан бруцеллездің 50-ге жуық жаңа жағдайы анықталған.
Бұған дейін Алматы қаласы спорт басқармасының жаңа басшысы тағайындалғандығы хабарланған болатын.