Бұған дейін ТЖМ 2025 жылғы 22 мамыр, бейсенбіде сағат 09:00-де бүкіл ел бойынша барлық дыбыстық электр сиреналары іске қосылатынын хабарлаған болатын. Осыған байланысты азаматтарды тыныштық сақтауға және дүрбелең мен қауесетке берілмеуге шақырды.
"Бүгін "Өрт-2025" Республикалық командалық-штабтық оқу-жаттығуы шеңберінде (азаматтық қорғау қызметтерінің табиғи өртке қарсы іс-қимылдарын пысықтау) дыбыстық сигнал (сирена) іске қосыла отырып, халықты құлақтандыру жүйесіне тексеру жүргізілді. Алайда, оқу жылының аяқталуына және мектептердегі соңғы қоңырауды мерекелеуге орайластырылған іс-шараларды өткізуге байланысты мерекелік атмосфераны бұзбау және халық арасында алаңдаушылық туғызбау үшін дыбыстық сиреналарды қоспай, тыныш режимде тексеру жүргізу туралы шешім қабылданды", – деп түсіндірді ҚР ТЖМ баспасөз қызметі.
Сирена жүйесінің іске қосылуы төтенше жағдайлар кезінде халықты хабардар ету жүйесінің техникалық дайындығын және жедел қызметтердің үйлесімді әрекетін тексеруге бағытталған.
Бұған дейін ШҚО-да арнайы техникамен заңсыз алтын өндіру фактісі анықталғандығы хабарланған болатын.