Мәжіліс төрағасы Ерлан Қошановтың айтуынша, Мемлекет басшысының бастамасымен Конституцияның 30 жылдығына орай қабылданған Рақымшылық туралы заң – нағыз ізгіліктің көрінісі.
Құжат жаза басқан жандарға жаңа мүмкіндік беруге бағытталған.
"Амнистия 15 мыңнан астам сотталған адамды қамтымақ. Олардың екі мыңға жуығы бас бостандығынан айыру орындарынан босатылып, қалғандарының жаза мерзімі қысқартылады",- деді Қошанов.
Сондай-ақ, ол бұл – сүрінген жандардың қалыпты өмірге қайта оралуына септесетін игі қадам екенін айтты.
Бұған дейін қазақстандық депутаттардың демалысқа шыққандығы хабарланған болатын.