Алматы полиция департаментінің хабарлауынша, құқық қорғау органдары Қытай Халық Республикасынан жақында келген азаматпен түсіндіру және алдын алу сипатындағы әңгіме өткізді. Бұл шешім әлеуметтік желілерде оның қатысуымен тараған бейнероликтерге байланысты қабылданған.
Интернет қолданушылары арасында кеңінен тараған бір видеода, қыз серігінің қалтасынан ұялы телефонды алып, оны өтіп бара жатқан Қытай азаматтарының біріне береді. Кейін "ұрлық болды" деп сол адамға нұсқайды. Тағы бір видеода ол метро станциялары мен көшеде бейтаныс ер адамдарға жақындап, қолынан немесе аяғынан ұстап, айналасындағыларды әбден абдыратқан.
Тәртіп сақшыларымен әңгіме барысында қыз болған оқиғаға өкініш білдіріп, былай деді:
"Менің видеом ешкімді ренжіту мақсатында түсірілген жоқ. Бұл ойланбай жарияланған материал болды. Егер видеом біреуге жағымсыз әсер етсе, кешірім сұраймын. Бұдан былай контент жариялауға мұқият қараймын".
Полиция ескерту жасады:
- Әлеуметтік желілерде кез келген материалды жариялағанда ел азаматтарына да, шетел азаматтарына да құрметпен қарау қажет.
- Мұндай әрекеттер қоғамда арандатушылық және теріс реакция тудыруы мүмкін.
- Шетелге шыққан әрбір азамат сол елдің салт-дәстүрін, заңдарын және қоғамдық тәртіп ережелерін құрметтеуге міндетті. Оларды бұзу құқықтық жауапкершілікке әкелуі мүмкін.
Полиция қоғамда қабылданатын мінез-құлық нормалары мен мәдени айырмашылықтарға бей-жай қарауға болмайтынын еске салады.