Екінші оқиғада несие рәсімдеуге көмектесемін деген сылтаумен алаяқ Талғар қаласының 40 жастағы тұрғынынан 4 миллион 293 мың теңге алған.
Үшінші фактіде жер телімін сатып алуға уәде берген 42 жастағы күдіктіге жәбірленуші 3 миллион 800 мың теңге берген. Төртінші деректе тұрмыстық техника үшін қаражатты қолма-қол ақшаға айналдырып беремін деген желеумен 55 жастағы әйел 860 мың теңге көлемінде шығынға ұшыраған.
"Барлық күдікті жедел анықталып, аудандық полиция бөлімшесіне жеткізілді. Аталған деректер бойынша қылмыстық істер қозғалып, тергеп-тексеру шаралары жүргізілуде", – дейді тәртіп сақшылары.
Полиция азаматтарды "жеңіл жолмен табыс табу" сынды күмәнді ұсыныстарға сенбеуге шақырады. Ресми келісім-шартсыз ақша бермеңіз, ақпараттың анықтығын мұқият тексеріп, заңгерлерден кеңес алыңыз.
"Тәжірибе көрсеткендей, жүргізіліп жатқан ескерту және алдын алу шараларына қарамастан, азаматтар алаяқтардың арбауына түсіп жатады. Сондықтан сақ болыңыздар, өздеріңізді алдатпаңыздар", – деп толықтырды ведомство өкілдері.