Lada.kz порталы ҚР ҰҚК Шекара қызметіне сілтеме жасап хабарлауынша, браконьерлерден тоғыз жүзу құралы, 21 шақырымнан астам ау және қармақ жабдықтары тәркіленген.
"Заң бұзушылардан 240 дана, яғни 1 440 келі бекіре тұқымдас балық және 19 келі өзге де балық түрлері алынды. Алдын алынған залалдың жалпы сомасы 566 млн теңгеден асты", - делінген ҰҚК мәліметінде.
Бұл фактілер бойынша материалдар құқық қорғау және сот органдарына жіберілді.
Бұған дейін тамыз айының соңында Жетісу облысының табиғат қорғау прокуратурасы балық ресурстары айналымындағы заңдылықтың жай-күйін талдап, Еуропа елдеріне балық өнімдерін заңсыз экспорттауға қатысты ауқымды заң бұзушылықтарды анықтаған еді.