Жергілікті Khabarhub басылымының жазуынша, өртті сөндіру мүмкін болмаған. 10 қыркүйекте Үндістанның ANI ақпарат агенттігі ғимараттың дерлік түгелімен күйе басқанын көрсететін бейнежазба жариялады. Кейбір қабаттарда ашық жалын байқалады.
Қонақүйге шабуыл жасалғанына себеп – оның билеуші "Непал конгресі" партиясының жетекшісі Шера Бахадур Деубаның ұлымен байланысы бар деген болжам.
Әлеуметтік желі қолданушылары қонақүйдің оқиғаға дейінгі бейнесін де көрсетті.
"Z буыны революциясы" деп аталған Непалдағы наразылықтар 8 қыркүйекте басталды. Оған үкіметтің 26 белгілі әлеуметтік желі мен мессенджерге тыйым салуы түрткі болған. Бұл жергілікті бизнес пен туризмге әсер етіп қана қоймай, шетелдегі туыстарымен байланыс орнату мүмкіндігінен айырды. Ондаған мың жас көшеге шығып, Катмандуда полициямен қақтығыстар болды.
9 қыркүйекте Непал премьер-министрі елдегі наразылықтарға байланысты отставкаға кетті. Үкімет бірқатар әлеуметтік желілерге қойылған тыйымды алып тастады. Ал экс-премьердің әйелі олардың үйіне жасалған шабуылдан кейін қаза тапты.