Өңірлік полицияның алдын ала мәліметінше, Байет ауылынан 5 шақырым жерде Toyota Lucida жүргізушісі жол қозғалысы қауіпсіздігін сақтамай, арақашықтықты ескермей, Sitrak жүк көлігіне соқтығысқан.
Соқтығысқаннан кейін жеңіл көлік өртке оранған. Оның жүргізушісі мен төрт жолаушысы қаза тапты.
Жол апаты фактісі бойынша қылмыстық іс қозғалды.
Еске салайық, 19 қыркүйекте Павлодарда автобус пен Lada соқтығысып, салдарынан жетеуі зардап шекті, олардың төртеуі – балалар.