Ол фармацевтика өнеркәсібін ел экономикасы үшін стратегиялық маңызды сала деп атап өтті.
"2029 жылға қарай дәрі-дәрмектер мен медициналық бұйымдардың отандық өндіріс үлесін 50%-ға жеткізу мақсатында мемлекет бизнес-климатты жақсарту бойынша шараларды күшейтті. Заңнама инвестициялық преференциялар қарастырады: салық жеңілдіктері, ұзақ мерзімді келісімшарттар, дәрі-дәрмектерді нарыққа шығару мерзімін екі жылдан 100 жұмыс күніне қысқарту, 34 өндірушімен 90 ұзақ мерзімді келісімшарт жасалып, шамамен 2,5 мың аталым фармацевтикалық өнім өндірілетін болды", – деп жазылған жауапта.
Премьер-министрдің айтуынша, инновациялық препараттарды локализациялау үшін ірі халықаралық фармацевтикалық компаниялармен белсенді ынтымақтастық орнатылған, оның ішінде технологияларды трансферттеу және оқыту жұмыстары жүргізілуде.
"Жаңа Салық кодексіне сәйкес, 2026 жылғы 1 қаңтардан бастап дәрі-дәрмек, медициналық бұйымдар, олардың құрамдас бөліктері мен техникалық қосалқы құралдарды сату және импортқа ҚҚС мөлшері 5%-ға, ал 2027 жылғы 1 қаңтардан бастап – 10%-ға төмендетіледі", – деді премьер.
Еске сала кетсек, бұған дейін Қазақстанда дәріханаларға шағым жасауға және дәрі-дәрмектердің бағасын онлайн тексеруге мүмкіндік берілетіндігі хабарланған болатын.