Видео "Паспорттар шекарашылардың көзімен" атты роликтер топтамасы аясында әлеуметтік желілерде жарияланған. Онда шекара қызметінің мамандары қазақстандық паспорттың қалыпты жарықтағы және ультракүлгін сәуле түскен кездегі көрінісін көрсетті.
Қарапайым жарықта құжат әдеттегі көгілдір түске ие. Ал ультракүлгін шаммен тексеру барысында оның беттерінен жасырын өрнектер мен "Қазақстан" деген жазулар анық көрінеді.
Айта кетейік, мұндай қорғаныс элементтері құжаттың түпнұсқалығын растау үшін қолданылады және шекаралық бақылау кезінде жалған паспорттарды жылдам анықтауға мүмкіндік береді.
Бұған дейін Қазақстанда кадр тапшылығы қай елдердің азаматтары есебінен өтелуде екенін жазғанбыз.